بسم الله الرحمن الرحيم
كباب هندي
المقادير:
3 حبات بطاطا
3 بصلات
4 بندورات (طماطم)
ملعقة صلصة
لحمة مفرومة
ملح وفلفل وللي بحب شطة بودرة
معلقتين زيت
الطريقة:بنقشر البطاطا وبنقطعها على شكل انصاف دوائر وبنحطهم بالصينية
وبنقشر البصلات وبنعملهم شرايح وكمان بنحطهم بالصينية
وبنقشر البندورات وبنقطعهم مكعبات وايضا بنحطهم بالصينية
بنخلطهم مع بعض وبنحط فوقهم الملح والفلفل والشطة والزيت ومعلقة الصلصة(ممكن نزيد الصلصة حسب الرغبة) وبنخلطهم بالصينية وبنفردهم
وبنجيب اللحمة المفرومة بنحطها بصحن وبنحطلها شوية ملح وفلفل اسود (كتروا الفلفل اطيب ) وبنعركها وبنعملها على شكل كباب صغير وبنصفهم فوق المقادير إلي خلطناها
وبنحطلها ورق قصدير وبنرميها بالفرن
بنخليها شي ساعة ع نار متوسطة وبعدين بنشيل ورق القصدير ونخليها بالفرن كمان لحتى تنشف الماي من عليها وبنحمر الوجه
والنتيجة:
وصحتين وهنا ناس بتحب تاكلها جنب رز ابيض وناس بتحب الخبز
الرئيسية 
